ZEILAN

ZEILAN

insul. Asiae perampla et nobilis, Sumatra nonnullis est, aliis Taprobane Veter. Quorum his favet nomen ab Arabibus et Persis Insulae impositum, qui Zeilan eam appellant, a recentiore ejus appellatione ςάλη vel Σαλικὴ, cum ante Ptolemaeum, qui nominum horum meminit, Παλαισιμούνδου vocaretur, quae vetustissimis temporibus Taprobane, Auctor Peripli Maris Rubri, Εἰς πέλαγος ἔκκειται πρὸς αὐτἠν τὴν δύσιν, λεγομένη Παλαισιμούνδου, παρὰ δὲ τοῖς ἀρχαίοις αὐτῶν Ταπροβάνη. Sed et situs Insulae, elephanti, quos gignit maximos, gemmae et margaritae grandiores, quas illa fert, aliaque multa prorsus evincunt, esse Veter. Taprobanem. Vide quoque supra Palaesimundum. Unde et Zeilan Salomonis esse Ophiram remotiorem, contendit Auctor Anonym. Sinae et Europ. c. 30. Uni Regi eam iam circa A. C. 1290. subiectam fuisse, Marcus Paulus Venetus tradit, l. 3. c. 26. et haito Armenus, c. 6. Post quae tempora Zingalae (uti Zeilonenses appellantur) tricidatô Rege suô in multa Regna Insulam diviserunt, quorum quatuor numerat Vartomannus ad A. C. 1500. Regum praecipuus Colomugi dicebatur, cui coeteri tributum pendebant: donec circa A. C. 1580. Tonsor quidam, nomine Maru Ragu, Rege praecipuô interfectô, coeferisque populis, totius Insulae Monarcham se constituit, sede Regiâ in urbe Candi positâ. Cum hoc Fimala Rege Zeilan Belgae foedus inivêre A. C. 1600. Ei successit Fimala Derma, Suri Ada, qui, a Lusitanis baptizatus Christianô ritu, Ioannes de Austria dictus est. Similiter Waed Madale Regem circa A. C. 1647. baptizatum esse referunt. Georg. Hornius, Orbe Imp. cum Animadversion. L. Ioach. Felleri, p. 457. Vide quoque Salmas. ad Solin. p. 1102. et seqq. Habuerunt in Insula hacce loca varia Lusitani, quae omnia a Baravis iis erepta sunt, uti videre est apud Ioh. Bapt. Tavernier, Itiner. Indiae, l. 3. c. 15. ubi de elephantis Zeilanis, ad bellicos terrores aptissimis adeoque ab omnibus Indiae Principibus maxime expetitis, illis naturali quôdam instinctu aliarum Regionum elephantos certô corporis gestu venerationem exhibere, et de rhinocerotum venatione, commercio item Regum in elephantis praecipue et canella exsistente, quaedam addit. Plura apud Iac. Saar in Itiner. cui titul. Ostindianische 15. iahrige Kriegs-Dienste, ut et voce Ceylanum.